Aýyl sharýashylyǵy mınıstrliginiń málimetinshe, dándi jáne dándi-burshaqty daqyldardyń jalpy egis alqaby 16 mln gektardan asady, dep habarlaıdy Dalanews.kz.

Onyń ishinde búgingi kúni 12 mln gektar nemese barlyq alqaptyń 74,9%-y jınalyp, 18 mln tonna astyq bastyryldy.

Astyqtan bólek, sharýalar 1 mln tonna maıly daqyl, gektaryna 227,4 sentner ónimdilikpen 2,1 mln tonna kartop jáne gektaryna 298,1 sentner kórsetkishpen 3 mln tonna kókónis jınap úlgerdi.

Atap aıtqanda, ár gektardan 322,7 sentner ónim alyp, 413,7 myń tonna qyryqqabat, 417 sentner ónimdilikpen 762,3 myń tonna pıaz jáne 289,5 sentner ónimdilikpen 313 myń tonna sábiz jınalǵan.

Mınıstrliktiń habarlaýynsha, egin jınaý jumystary uıymdasqan túrde ári agrotehnıkalyq talaptarǵa saı merziminde júrgizilýde.