Qazaqstanda Memleket basshysynyń tapsyrmasy boiynsha 124 temirjol vokzalyn rekonstrýktsiialaý jáne qaita jańǵyrtý jumystary júrgizilip jatyr, dep habarlaidy dalanews.kz.
Qazirgi ýaqytta 100 nysanda qurylys-montaj jumystary aiaqtalǵan.
Baǵdarlama aiasynda qoldanystaǵy vokzaldarǵa kúrdeli jóndeý júrgizilip, keibir eldi mekenderde jańa jolaýshylar keshenderi salynýda. Birqatar nysanda ǵimarattar keńeitilip, kótergish qurylymdar kúsheitilgen, konkorstar, jańa jolaýshylar platformalary men aialdaý pavilondary salynǵan.
Sonymen qatar vokzaldardyń shatyry men qasbetteri jańartylyp, káriz, sý, jylý jáne elektrmen jabdyqtaý, bailanys júieleri aýystyrylýda. Ǵimarattardyń ishi jóndelip, irgeles aýmaqtar abattandyrylýda.
Jańartylǵan vokzaldar zamanaýi jihazdarmen, navigatsiialyq júielermen, jeldetý jáne aýa baptaý jabdyqtarymen qamtamasyz etiledi. Sondai-aq beinebaqylaý, órt jáne kúzet dabyly, kireberisti baqylaý júieleri ornatylýda. Qaýipsizdikti kúsheitý úshin introskoptar men metall izdegishter qoiylady.
Erekshe qajettiligi bar jolaýshylarǵa da jaǵdai jasalýda. Vokzaldar pandýstarmen, liftilermen jáne kótergish qurylǵylarmen, taktildi navigatsiiamen, qyzmetkerlerdi shaqyrý túimelerimen, beiimdelgen sanitarlyq bólmelermen jáne aqparattyq kórsetkishtermen jabdyqtalady.
Baǵdarlamanyń negizgi maqsaty – jolaýshylarǵa qyzmet kórsetý sapasyn arttyryp, temirjol vokzaldarynda azamattarǵa qolaily ári qaýipsiz jaǵdai qalyptastyrý.
