Esepti kezdesýde bıyl mınıstrlik kezeń-kezeńimen sıfrlyq teleradıo habar taratýdy qosa bastaıtynyn aıtyldy. 2018 jyldyń aıaǵyna deıin Mańǵystaý, Jambyl jáne Ońtústik Qazaqstan oblystary tolyq sıfrlyq habar taratýǵa kóshedi dep kútilýde. Al ózge aımaqtardy sıfrlyq habar taratýmen qamtamasyz etý 2020 jyldyń aıaǵyna deıin aıaqtalmaq.
Sondaı-aq, «Aqparatqa qoljetimdilik» Zańyn júzege asyrý aıasynda «Ashyq úkimet» jobasy júzege asyrylýda. Osy arqyly kez kelgen azamat memlekettik organdardyń birinshi jetekshilerine blog-platformalar arqyly suraqtaryn qoıyp, «Ashyq dıalog» portalynda ınternet-konferensıalarǵa qatysa alady. Bul qural halyq pen memleket arasyndaǵy qarym-qatynasty nyǵaıtýǵa baǵyttalǵan.
Ótken jyly qabyldanǵan «Sıfrlyq Qazaqstan» memlekettik baǵdarlamasynyń baǵyttarynyń biri eldegi Internet-ınfraqurylymyn damytý bolyp tabylady.
Qazirgi ýaqytta elimizdegi 13 mıllıonnan astam adam joǵary jyldamdyqtaǵy ınternetke qol jetkizdi. Halyq sany 10 myń adamnan turatyn eldimekender 3G baılanysymen qamtylsa, halqy 50 myńnan asatyn qalalar 4G standartymen qamtylǵan. Ótken jyly elimizdiń barlyq aýdan ortalyqtary ınternet jelisiniń tórtinshi býynymen qamtylǵanyn aıta ketýimiz kerek.
Mınıstrliktiń budan keıingi mindeti keńjolaqty ınternetti aýyldyq eldi mekenderge jetkizýge kúsh salýda. Ol úshin memlekettik-jekemenshik áriptestik jobasyna sáıkes tıisti jumys júzege asýda. Joba aıasynda 2021 jylǵa deıin joǵary jyldamdyqtaǵy ınternetpen jalpy sany 2 mıllıonnan astam turǵyny bar 1249 aýyldyq eldi meken qamtylatyn bolady.
Baǵdarlama aıasynda iske qosylǵan jobalardyń ishinde Dáýren Abaev «Elektrondyq eńbek bırjasy» jáne elektrondy komersıany damytý úshin quqyqtyq jaǵdaı jasalǵany týraly aıtty.
Halyqqa elektrondy memlekettik qyzmet kórsetý salasynda Aqparat jáne baılanys mınıstrligi júıeli jumys atqarýda.
Sonymen, búgingi kúni «Elektrondy úkimet» portaly 235 qyzmetti alýǵa múmkindik beredi, e-License.kz elektrondyq lısenzıalaý portaly – 399 avtomattandyrylǵan qyzmet túrin kórsetedi.
2017 jyly «Elektrondy úkimet» portaly arqyly 34 mıllıonnan astam qyzmet kórsetildi, «E-Lısenzıalaý» aqparattyq júıesi arqyly 1 mıllıonǵa jýyq lısenzıalar men ruqsattar berildi. E-gov.kz portaly arqyly 2012 jyldan bastap 135 myńnan astam kompanıa ashyldy.
Búgingi tańda «Azamattarǵa arnalǵan Úkimet» memlekettik korporasıasy barlyq memlekettik qyzmetterdiń 83% -yn (621 qyzmet) kórsetedi. Ótken jyly ol 38 mıllıon qyzmet kórsetti, aǵymdaǵy jyldyń basynan beri 10 mıllıonnan astam qyzmet kórsetildi.
Aqparat jáne komýnıkasıalar mınıstrligi
Baspasóz qyzmeti
