Qazaqstanda 10 myń adamnan turatyn eldi mekender 3G bailanysymen qamtylǵan
Esepti kezdesýde biyl ministrlik kezeń-kezeńimen tsifrlyq teleradio habar taratýdy qosa bastaityny aityldy. 2018 jyldyń aiaǵyna deiin Mańǵystaý, Jambyl jáne Ońtústik Qazaqstan oblystary tolyq tsifrlyq habar taratýǵa kóshedi dep kútilýde. Al ózge aimaqtardy tsifrlyq habar taratýmen qamtamasyz etý 2020 jyldyń aiaǵyna deiin aiaqtalmaq.
Sondai-aq, «Aqparatqa qoljetimdilik» Zańyn júzege asyrý aiasynda «Ashyq úkimet» jobasy júzege asyrylýda. Osy arqyly kez kelgen azamat memlekettik organdardyń birinshi jetekshilerine blog-platformalar arqyly suraqtaryn qoiyp, «Ashyq dialog» portalynda internet-konferentsiialarǵa qatysa alady. Bul qural halyq pen memleket arasyndaǵy qarym-qatynasty nyǵaitýǵa baǵyttalǵan.
Ótken jyly qabyldanǵan «Tsifrlyq Qazaqstan» memlekettik baǵdarlamasynyń baǵyttarynyń biri eldegi Internet-infraqurylymyn damytý bolyp tabylady.
Qazirgi ýaqytta elimizdegi 13 millionnan astam adam joǵary jyldamdyqtaǵy internetke qol jetkizdi. Halyq sany 10 myń adamnan turatyn eldi mekender 3G bailanysymen qamtylsa, halqy 50 myńnan asatyn qalalar 4G standartymen qamtylǵan. Ótken jyly elimizdiń barlyq aýdan ortalyqtary internet jelisiniń tórtinshi býynymen qamtylǵanyn aita ketýimiz kerek.
Ministrliktiń budan keiingi mindeti keńjolaqty internetti aýyldyq eldi mekenderge jetkizýge kúsh salýda. Ol úshin memlekettik-jekemenshik áriptestik jobasyna sáikes tiisti jumys júzege asýda. Joba aiasynda 2021 jylǵa deiin joǵary jyldamdyqtaǵy internetpen jalpy sany 2 millionnan astam turǵyny bar 1249 aýyldyq eldi meken qamtylatyn bolady.
Baǵdarlama aiasynda iske qosylǵan jobalardyń ishinde Dáýren Abaev «Elektrondyq eńbek birjasy» jáne elektrondy kommertsiiany damytý úshin quqyqtyq jaǵdai jasalǵany týraly aitty.
Halyqqa elektrondy memlekettik qyzmet kórsetý salasynda Aqparat jáne bailanys ministrligi júieli jumys atqarýda.
Sonymen, búgingi kúni «Elektrondy úkimet» portaly 235 qyzmetti alýǵa múmkindik beredi, e-License.kz elektrondyq litsenziialaý portaly – 399 avtomattandyrylǵan qyzmet túrin kórsetedi.
2017 jyly «Elektrondy úkimet» portaly arqyly 34 millionnan astam qyzmet kórsetildi, «E-Litsenziialaý» aqparattyq júiesi arqyly 1 millionǵa jýyq litsenziialar men ruqsattar berildi. E-gov.kz portaly arqyly 2012 jyldan bastap 135 myńnan astam kompaniia ashyldy.
Búgingi tańda «Azamattarǵa arnalǵan Úkimet» memlekettik korporatsiiasy barlyq memlekettik qyzmetterdiń 83% -yn (621 qyzmet) kórsetedi. Ótken jyly ol 38 million qyzmet kórsetti, aǵymdaǵy jyldyń basynan beri 10 millionnan astam qyzmet kórsetildi.
Aqparat jáne kommýnikatsiialar ministrligi
Baspasóz qyzmeti
