Qazaqstan halqynyń sany 20 562 993 adamǵa jetti, dep habarlaidy dalanews.kz.
Ulttyq statistika biýrosynyń málimetinshe, 2026 jylǵy 1 mamyrdaǵy jaǵdai boiynsha elde 20 562 993 adam turady. Onyń ishinde 13 153 726 adam qalada, al 7 409 267 adam aýyldyq jerlerde ómir súredi. Áielder sany – 10 510 782, erler sany – 10 052 211 adamdy quraidy.
Jyl basynan beri Qazaqstan halqy 63 171 adamǵa artqan. Onyń 57 178-i tabiǵi ósim esebinen bolsa, 5 993 adam kóshi-qon esebinen kóbeigen.
Statistikaǵa sáikes, halyq sany eń kóp óńirlerdiń qatarynda Túrkistan oblysy men Almaty qalasy kósh bastap tur. Túrkistan oblysynda 2,1 millionnan astam adam tursa, Almaty qalasynyń halqy 2,36 million adamǵa jetken. Sondai-aq Astana halqy 1,66 million adamnan asty.
Al halyq sany eń az óńirler qatarynda Ulytaý oblysy qalyp otyr. Óńirde 219 myńǵa jýyq adam turady.
Aita keteiik, Qazaqstan halqy 2023 jyldyń qarashasynda alǵash ret 20 milliondyq mejeden asqan bolatyn. Sodan beri el turǵyndarynyń sany jarty millionnan astam adamǵa kóbeidi.
