قازاقستان حالقىنىڭ سانى 20 562 993 ادامعا جەتتٸ, دەپ حابارلايدى dalanews.kz.
ۇلتتىق ستاتيستيكا بيۋروسىنىڭ مەلٸمەتٸنشە, 2026 جىلعى 1 مامىرداعى جاعداي بويىنشا ەلدە 20 562 993 ادام تۇرادى. ونىڭ ٸشٸندە 13 153 726 ادام قالادا, ال 7 409 267 ادام اۋىلدىق جەرلەردە ٶمٸر سٷرەدٸ. ەيەلدەر سانى – 10 510 782, ەرلەر سانى – 10 052 211 ادامدى قۇرايدى.
جىل باسىنان بەرٸ قازاقستان حالقى 63 171 ادامعا ارتقان. ونىڭ 57 178-ٸ تابيعي ٶسٸم ەسەبٸنەن بولسا, 5 993 ادام كٶشٸ-قون ەسەبٸنەن كٶبەيگەن.
ستاتيستيكاعا سەيكەس, حالىق سانى ەڭ كٶپ ٶڭٸرلەردٸڭ قاتارىندا تٷركٸستان وبلىسى مەن الماتى قالاسى كٶش باستاپ تۇر. تٷركٸستان وبلىسىندا 2,1 ميلليوننان استام ادام تۇرسا, الماتى قالاسىنىڭ حالقى 2,36 ميلليون ادامعا جەتكەن. سونداي-اق استانا حالقى 1,66 ميلليون ادامنان استى.
ال حالىق سانى ەڭ از ٶڭٸرلەر قاتارىندا ۇلىتاۋ وبلىسى قالىپ وتىر. ٶڭٸردە 219 مىڭعا جۋىق ادام تۇرادى.
ايتا كەتەيٸك, قازاقستان حالقى 2023 جىلدىڭ قاراشاسىندا العاش رەت 20 ميلليوندىق مەجەدەن اسقان بولاتىن. سودان بەرٸ ەل تۇرعىندارىنىڭ سانى جارتى ميلليوننان استام ادامعا كٶبەيدٸ.
