QR Syrtqy ister ministrliginiń málimetinshe, osy ýaqytqa deiin Ýkrainadan 900 el azamaty evakýatsiialanǵan. Olardyń 743-i elge oraldy.
Ýkraina qalalarynda taǵy qansha qazaqstandyq bary belgisiz. Azattyq tilshisi sóilesken qazaq azamattarynyń birqatary Ýkrainadan ázirge ketkisi joq ekenin aitty.
Qazaqstandyq diplomattardyń 16 naýryzda taratqan málimetine qaraǵanda, Mariýpol qalasynda 18 qazaqstandyq qalǵan. Qazaqstannyń Ýkrainadaǵy elshiligi olarmen bailanys ornata almaǵanyn málimdedi, óitkeni bul qalada jaryq, bailanys jelileri joq.
Naýryz merekesi qarsańynda Qazaqstan prezidenti Qasym-Jomart Toqaev Qazaqstan azamattaryn Ýkrainadaǵan evakýatsiialaýdy uiymdastyrǵan diplomattarǵa memlekettik syilyqtar tapsyrdy. Olardyń arasynda Qazaqstannyń Ýkrainadaǵy elshisi Darhan Qaletaev ta bar.
