Qazaqstannyń Azamattyq aviatsiia komiteti Taiaý Shyǵystaǵy kúrdeli ahýalǵa bailanysty málimdeme jasady, dep habarlaidy Dalanews.kz.
"Taiaý Shyǵystaǵy jaǵdaidyń shielenisýine bailanysty qazaqstandyq aviakompaniialarǵa Irannyń áýe keńistigin ainalyp ótý nemese balamaly baǵyttardy tańdaý, sondai-aq tiisti óńirde ushý boiynsha buryn joldanǵan nusqaýlar men usynymdardy basshylyqqa alý usynylady", — delingen aqparatta.
Aita keteiik, Taiaý Shyǵystaǵy jaǵdai sońǵy ýaqytta kúrdelene tústi. Izrail men Iran arasyndaǵy qarym-qatynas shielenisip, zymyran shabýyldary kúsheidi. Kúni keshe Iran Izrailge taǵy da zymyrandar ushyrdy.
Shetel basylymdary shabýyl barysynda júzge jýyq zymyran ushty dep boljasa, Jerusalem Post gazeti 500-ge jýyq zymyran bolýy múmkin dep málimdedi. Alaida bul aqparattyń anyq-qanyǵy ázirge belgisiz.
BUU men Eýropa Odaǵy jetekshileri Tegerannyń isin aiytpatap, Taiaý Shyǵys aimaǵynda atysty dereý toqtatýǵa úndedi.
Eske salaiyq, Iran jyl basynan beri Izrailge ekinshi ret tikelei shabýyl jasady. Máselen, 2024 jyly 8 sáýirde Iran Izrailge jappai zymyran men dron ushyrǵan. Tegeran muny Irannyń Damaskidegi konsýldyǵyna jasalǵan áýe shabýylyna qarymtasy ekenin eskertken edi.
