"Qazaqstan temir joly" ulttyq kompanıasyna jańa basshy keldi, basqarma tóraǵasy qyzmetine Talǵat Aldybergenov taǵaıyndaldy, dep habarlaıdy Dalanews.kz.
Ol buǵan deıin QTJ basqarma tóraǵasynyń orynbasary qyzmetin atqaryp kelgen. Aldybergenovti ujymǵa "Samuryq-Qazyna" qorynyń basshysy Nurlan Jaqypov tanystyrdy.
55 jastaǵy Talǵat Aldybergenov - Batys Qazaqstan oblysynyń týmasy. Ol Almaty temirjol kóligi ınjenerleri ınstıtýtyn, sondaı-aq, Reseı halyq sharýashylyǵy jáne memlekettik qyzmet akademıasyn támamdaǵan.
Aıta keteıik, osyǵan deıin QTJ-ny ýaqytsha Danıal Ahmetovtyń kúıeý balasy Erlan Qoıshybaev basqaratyny habarlanǵan edi. Al burynǵy tóraǵa Nurlan Saýranbaev jaqynda kólik mınıstri bolyp taǵaıyndalǵan bolatyn.
