"Қазақстан темір жолы" ұлттық компаниясына жаңа басшы келді, басқарма төрағасы қызметіне Талғат Алдыбергенов тағайындалды, деп хабарлайды Dalanews.kz.
Ол бұған дейін ҚТЖ басқарма төрағасының орынбасары қызметін атқарып келген. Алдыбергеновті ұжымға "Самұрық-Қазына" қорының басшысы Нұрлан Жақыпов таныстырды.
55 жастағы Талғат Алдыбергенов - Батыс Қазақстан облысының тумасы. Ол Алматы теміржол көлігі инженерлері институтын, сондай-ақ, Ресей халық шаруашылығы және мемлекеттік қызмет академиясын тәмамдаған.
Айта кетейік, осыған дейін ҚТЖ-ны уақытша Даниал Ахметовтың күйеу баласы Ерлан Қойшыбаев басқаратыны хабарланған еді. Ал бұрынғы төраға Нұрлан Сауранбаев жақында көлік министрі болып тағайындалған болатын.
