Qazaqstan – tatýlyq pen ultaralyq kelisim saltanat qurǵan ózgeshe el
– Biyl Qazaqstannyń táýelsizdikke qol jetkizip, jeke-dara memleket retinde shańyraq kótergenine 30 jyl tolyp otyr. Osy ýaqyt ishinde elimiz tórtkúl dúnie tanityn qýatty elge ainaldy. Qazaqstan tatýlyq pen ultaralyq kelisimdi memlekettik saiasattyń ózegine ainaldyrǵan ózgeshe el desem artyq aitqandyq bolmas. Keńester Odaǵy qulaǵannan keiin kóptegen elderde ultaralyq dúrdarazdyqtar týynda, keibir daý-sharlardyń sońy qarýly qaqtyǵysqa deiin barǵanyn bilemiz. Dál osy sátte qazyna qazaq jerindegi ózge ult ókilderi Elbasy Nursultan Nazarbaevtyń mańaiyna toptasyp, Qazaqstandy damytýǵa bet burdy, – dedi Etnosaiasi zertterýler institýtynyń qyzmetkeri Aigúl Sadaýqasova.
Al jiynǵa qatysqan QR Parlamenti Májilisiniń depýtaty Natalia Dementeva:
– Bizdiń bir ǵana Otanymyz bar. Ol – Qazaqstan. Sol sebepti bizder tatýlyq pen dostyqtyń altyn besigine ainalǵan Otanymyzdy saqtap, onyń qalyptasqan qundylyqtaryn kózimizdiń qarashyǵyndai qorǵaýmyz kerek. Elbasy Nursultan Nazarbaev qazǵyn qaǵyp bergen ultararalyq tatýlyqty saqtap, aldaǵy ýaqytta jas urpaqqa amanattaýymyz qajet, – dep depýtat hanym oiyn ortaǵa saldy.
Al jumys babymen Reseiden Jambyl oblysyna kóship kelip, turyp jatqan Viktoriia Tregýbova el azamattarynyń ózin jyly qabyldaǵanyn qýana jetkizdi. Ol osy ýaqytqa deiin ózin Qazaqstanda jaisyz sezinbegenin, qaita jergilikti halyqtyń dostyq yqylasyna rizashylyǵy kún ótken saiyn artyp kele jatqanyn alǵa tartty.
Osylaisha dóńgelek ústelge qatysýshylar Táýelsizdik jyldary Qazaqstanda ulatarlyq kelsim nyǵaiyp, álem elderi qyzyǵatyn brendeke ainalǵanyn atap ótti.
