Qazaqstan taǵy úsh olimpiadalyq medaldan aiyryldy
Bul týraly sputniknews.kz habarlady.
Halyqaralyq Olimpiada komiteti Qazaqstan Respýblikasynyń Ulttyq olimpiada komitetine 2008 jáne 2012 jyldary ótken Oiyndarda doping qoldandy degen eki júldegerdi medaldarynan aiyrý týraly eskertý qaǵazyn jiberdi, dep habarlady komitettiń baspasóz qyzmeti. Halyqaralyq Olimpiada komitetiniń tártip jónindegi komissiiasynyń sheshimine sai, “A” jáne “V” synamalarynyń qosymsha zertteý nátijesine bailanysty, 2008 jyly Beijińde ótken Olimpiada oiyndarynda 63 keli salmaqta Qazaqstan namysyn qorǵaǵan aýyr atlet Irina Nekrasovanyń kúmis júldesi, 75 keli salmaqta qola júlde alǵan taǵy bir aýyr atletimiz — Mariia Grabovetskaianyń qola júldesi jáne grek-rim kúresi boiynsha Áset Mámbetovtiń qola júldesi joiylyp, medaldary keri qaitarylatyn boldy.
2012 jylǵy London Olimpiadasynda jetinshi oryn alǵan aýyr atlet Almas Óteshovtiń ornyn joqqa shyǵardy. Sonymen qatar, Beijiń jáne London Olimpiadasyndaǵy sportshylardyń qan zertteýindegi sońǵy nátijelerge súiengen, HOK 2008 jylǵy Beijiń Olimpiadasynda óner kórsetken Vladimir Sedovtyń — tórtinshi ornyn, aýyr atlet Maia Manezanyń oryndaryn joqqa shyǵardy.
