Qazaqstan jan basyna shaqqandaǵy sý tutyný kólemi eń joǵary elderdiń qataryna endi. Zertteý derekterine sáikes, el álemdik reitingte segizinshi orynǵa jaiǵasqan, dep habarlaidy dalanews.kz.
Sý resýrstary negizinen aýyl sharýashylyǵyna jumsalady
Sarapshylardyń málimetinshe, álemdegi tushy sý qorynyń basym bóligi aýyl sharýashylyǵy daqyldaryn ósirýge, elektr stantsiialaryn salqyndatýǵa jáne ónerkásip jumysyn qamtamasyz etýge paidalanylady.
Reiting BUU, Dúniejúzilik bank jáne FAO AQUASTAT derekteri negizinde jasalǵan. Onda aýyl sharýashylyǵyna, ónerkásipke jáne kommýnaldyq júielerge jumsalatyn tushy sý kólemi esepke alynǵan.
Qazaqstan – alǵashqy ondyqta
Jan basyna shaqqandaǵy jyldyq tushy sý tutyný kólemi boiynsha:
- Túrikmenstan – 128 228
- Chernogoriia – 125 155
- Jańa Zelandiia – 68 652
- Gaiana – 61 907
- AQSh – 46 969
- Ázerbaijan – 45 379
- Qazaqstan – 44 002
- Ózbekstan – 43 366
- Qyrǵyzstan – 39 023
- Tájikstan – 36 763
Túrikmenstan kósh bastap tur
Zertteýde Túrikmenstannyń reitingte aiqyn basymdyqpen birinshi orynda turǵany atap ótilgen. Bul eldegi maqta sharýashylyǵyna bailanysty aýqymdy sýarý júielerimen túsindirilgen.
Al Chernogoriia halyq sanyna shaqqandaǵy sýdy óte kóp tutynatyn el retinde ekinshi orynǵa shyqqan.
Álemdegi sýdyń 70 paiyzy aýyl sharýashylyǵyna ketedi
Sarapshylardyń dereginshe, búginde álem boiynsha tushy sýdyń shamamen 70 paiyzy aýyl sharýashylyǵy salasyna jumsalady.
