"Qazaqstan stýdentteri aliansynyń" jetekshisi ári stýdenttik ombýdsmen Ýlan Naýken usaq buzaqylyq jasaǵany úshin 10 táýlikke ákimshilik qamaýǵa alyndy. Bul týraly jýrnalist Mihail Kozachkov málimdedi, dep habarlaidy dalanews.kz.
Onyń jazýynsha, ákimshilik iske Ulytaý oblysynda ótken toi korteji sebep bolǵan. Politsiia Ulan Naýkennniń jol qozǵalysy erejesin buzǵan birneshe kólikti videoǵa túsirip, ózi de jol talǵamaityn kóliktiń liýginen shyǵyp beinejazba jasaǵanyn jetkizdi.
Keiin bul video Instagram áleýmettik jelisinde jariialanyp, keńinen taralǵan. Osydan keiin politsiia tekserý júrgizip, kortejge qatysqan barlyq kólikti aiyp turaǵyna qoiǵan. Nátijesinde 22 ákimshilik hattama toltyrylyp, bes júrgizýshi júrgizýshi kýáliginen aiyrylǵan.
Qarajal qalalyq sotynda qaralǵan is barysynda Ulan Naýken kinásin moiyndap, bolǵan oqiǵaǵa ókinish bildirgen.
"Sýdia Saýle Dúsembina jigitti 20 AEK kóleminde aiyppulmen shekteýge bolatynyna qaramastan, muny jetkiliksiz dep tanyp, Ulan Naýkendi 10 táýlikke ákimshilik qamaýǵa alý týraly sheshim shyǵardy", – dep jazdy Mihail Kozachkov.
