Áleýmettik jelide "Qazaqstan" shokoladynyń Qazaqstan men Ózbekstandaǵy baǵasy talqyǵa tústi. Beinejazba avtorynyń aitýynsha, otandyq ónim kórshi elde Qazaqstandaǵydan eki ese arzan satylady, dep habarlaidy dalanews.kz.
Jeli qoldanýshysy Ózbekstandaǵy sýpermarketterdiń birinen shokoladty 14 myń sýmǵa satyp alýǵa bolatynyn kórsetken.
"Shynymdy aitsam, tańǵalyp turmyn. Qazir Ózbekstandaǵy sýpermarketke keldik. Munda bizdiń qazaqstandyq shokolad 14 myń sým turady. Bul – shamamen 540 teńge. Al Qazaqstanda dál osy shokoladtyń baǵasy 980 teńge. Ekeýi de – birdei ónim", – deidi video avtory.
Ol Qazaqstanda shyǵarylatyn jáne eldiń tanymal ónimderiniń birine ainalǵan shokoladtyń ishki naryqta nelikten qymbat satylatynyna nazar aýdardy.
«Biz bul ónimdi ulttyq brend retinde maqtan tutamyz. Biraq ózimizge ony kórshi elmen salystyrǵanda eki esege jýyq qymbat satady», – dep pikir bildirdi azamat.
"Qazaqstan" shokolaǵyn óndiretin "LOTTE Rahat" kompaniiasynyń baqylaýshy aktsioneri – Ońtústik Koreianyń LOTTE WELLFOOD CO., LTD korporatsiiasy. 2026 jylǵy 1 qańtardaǵy málimet boiynsha, oǵan kásiporyn aktsiialarynyń 95,57 paiyzy tiesili. Qazaqstan qor birjasy
Videoda kórsetilgen baǵa aiyrmashylyǵynyń sebebi ázirge túsindirilgen joq. Ónimniń túpkilikti qunyna saýda jelisiniń ústemeaqysy, eksporttyq kelisimder, aktsiialar, salyqtar jáne jetkizý sharttary áser etýi múmkin.
