Memleket basshysy Qasym-Jomart Toqaev pen Slovakiia Premer-ministri Robert Fitso BAQ ókilderi aldynda sóz sóiledi,- dep habarlaidy Dalanews.kz
Prezident eń aldymen, Slovakiia Respýblikasynyń Premer-ministri Robert Fitsoǵa jáne barsha delegatsiia múshelerine iltipat bildirdi.
– Slovakiia – Qazaqstannyń Eýropa Odaǵyndaǵy mańyzdy ári senimdi seriktesi. Ekijaqty qarym-qatynasymyzdyń tarihy mańyzdy oqiǵalarǵa toly. Qazirgi tańda da eki eldiń ózara bailanystary dostyq jáne syilastyq rýhynda nyǵaiýda. Astana men Bratislava arasynda mazmundy saiasi dialog ornaǵan. Saýda-ekonomikalyq jáne mádeni-gýmanitarlyq saladaǵy bailanysymyz jyldan-jylǵa damyp kele jatyr. Sharttyq-quqyqtyq negizi qalyptasty. Eki eldiń alys-berisi de ulǵaiýda. Qazaqstanda 30-dan astam slovak kompaniiasy tabysty jumys istep jatyr. Elimizge Slovakiianyń iri kásipkerleri de keldi. Soǵan bailanysty Robert Fitso myrzaǵa alǵysymdy aitamyn. Búgin biznes forým ótedi. Bul jiyn ózara yqpaldastyǵymyzdy odan ári nyǵaitýǵa jol ashady dep senemin, – dedi Memleket basshysy.
Qasym-Jomart Toqaev Robert Fitsomen júrgizgen mazmundy kelissóz barysynda qazaq-slovak yntymaqtastyǵynyń aiasyn keńeitý máselesi talqylanǵanyn jáne naqty ýaǵdalastyqtarǵa qol jetkizilgenin atap ótti.
– Eki el arasynda eshqandai túsinispeýshilik joq, keń aýqymdy yntymaqtastyqqa – jol ashyq. Sebebi, Qazaqstan men Slovakiianyń san qyrly bailanysyn kúsheitý qos halyqtyń múddesine sai keledi. Slovakiia – ekonomika turǵysynan alyp qarasaq, qarqyndy damyp kele jatqan el. Sondyqtan Qazaqstan Slovakiiamen qarym-qatynasty odan ári nyǵaitýǵa basa mán bermek. Biz saýda-sattyq kólemin odan ári arttyrý máselesine toqtaldyq. Investitsiialyq yqpaldastyqty tereńdetýge nazar aýdardyq. Bul turǵydan alǵanda Úkimetaralyq komissiia mańyzdy ról atqaryp keledi. Men Komissiianyń teń tóraǵalarynyń deńgeiin ministr dárejesine kóterýdi usyndym. Qazaqstan Slovakiiaǵa munai-gaz, ýran, azyq-túlik ónimderin jáne basqa da taýarlaryn eksporttaýǵa daiyn. Sondai-aq energetika, mashina jasaý, aýyl sharýashylyǵy, tsifrlandyrý, týrizm salasynda birlesken jobalardy júzege asyrýǵa múmkindik bar. Áskeri-tehnikalyq bailanystyń áleýeti zor. Buǵan qosa, biz kelissózder barysynda Transkaspii halyqaralyq kólik dáliziniń áleýetin birge paidalaný jaiyn talqyladyq. Bul – strategiialyq mańyzy bar saýda jolynyń biri. Men slovakiialyq seriktesterimizdi osy dálizdi damytý jobasyna qatysýǵa shaqyrdym. Bul saladaǵy yqpaldastyq ózara saýda-sattyqqa tyń serpin berýge tiis, – dedi Prezident.
