Halyqaralyq kinologiialyq federatsiia (FCI) 2024 jyly tarihi sheshim qabyldap, qazaqtyń tazy itin derbes tuqym retinde tanydy jáne Qazaqstandy osy tuqymnyń resmi iesi retinde bekitti, dep habarlaidy Dalanews.kz DKNews.kz saityna silteme jasap.
Bul qujattaǵy jai ǵana jol emes. Bul tutas bir halyqtyń mádenieti, dástúri men tarihynyń halyqaralyq deńgeide moiyndalýy.
Qazaq dástúrinde tazy úidiń basty qundylyqtarynyń qatarynda bolǵan. Ony kez kelgen adamǵa sata salmaǵan, sán úshin asyramaǵan. Tazy turmys-tirshiliktiń, kóshpeli ómir saltynyń ajyramas bóligi edi.
Endi bul tuqym resmi túrde tanyldy. Onyń bekitilgen standarty, shyǵý tegi kórsetilgen eli jáne halyqaralyq bolashaǵy bar.
Eske salaiyq, buǵan deiin memleket basshysy Qasym-Jomart Toqaev Prezidenttiń is basqarmasyna jeti qazynanyń biri – qazaqy tazy men tóbet tuqymdaryn saqtaý jumysyn qolǵa alýdy tapsyrǵan bolatyn.
Osyǵan orai QR Prezidentiniń is basqarýshysy Aibek Dádebaev osy jumysqa tartylǵan jáne múddeli taraptardyń qatysýymen jiyn ótkizdi. Basqosýda tazy men tóbet tuqymynyń tazalyǵyn saqtaý isi syn kótermeitini aityldy. Jumys júieli júrgizilmegen.
Jiyn qorytyndysy boiynsha premer-ministr keńsesiniń, Ekologiia, geologiia jáne tabiǵi resýrstar ministrliginiń, Aýyl sharýashylyǵy ministrliginiń, Ǵylym jáne joǵary bilim ministrliginiń, Prezidenttiń is bsqarmasy janyndaǵy parlamentarizm institýtynyń, sondai-aq «Qansonar» respýblikalyq qaýymdastyǵynyń ókilderinen jasaqtalǵan jumys tobyn qurý týraly sheshim qabyldandy.
