Oljas Bektenov "Tatneft" bas direktory Nail Maganovpen munai-gaz sektorynda birlesken jobalardy júzege asyrýdy talqylady, dep habarlaidy Dalanews.kz.
Qazaqstan Respýblikasynyń premer-ministri Oljas Bektenov "Tatneft" JAQ bas direktory Nail Maganovpen kezdesý ótkizdi. Atyraý oblysynda býtadien jáne sintetikalyq kaýchýk óndirý boiynsha iri investitsiialyq jobany iske asyrý barysyn qosa alǵanda, munai-gaz himiiasy salasyndaǵy yntymaqtastyqty damytý jónindegi josparlar talqylandy.
"Tatneft" JAQ bas direktory Nail Maganov jobanyń qazirgi jaǵdaiy týraly habarlady. Búginde merdiger qytailyq China Tianchen Engineering Corporation injiniring kompaniiasymen belsendi jumys júrgizilip jatyr.
Rezeńke-tehnikalyq ónerkásipte jáne shinalar óndirisinde paidalaný úshin 60 myń tonna divinilstirol sintetikalyq kaýchýk (DSSK), jol jabyndary men plastmassalarǵa qajet 40 myń tonna stirol-býtadien-stirol kaýchýk (SBS) jáne jyl saiyn joǵary oktandy benzin retinde 40 myń tonna metil-tret-býtil efirin shyǵarý josparlanǵan. Investitsiialyq kezeń iske qosylatyn merzim - biyl 1 shilde.
Kezdesý barysynda "QazMunaiGaz" UK" AQ-men birlesip júzege asyrylatyn "Qaraton Podsolevoi" ýchaskesinde geologiialyq barlaý jumystary talqylandy. Qazir 5,5 myń metrge tereń barlaý uńǵymasyn burǵylaý júrip jatyr.
Sondai-aq, tereftal qyshqyly (TFQ) jáne polietilentereftalat (PETF) óndirý jobasyna nazar aýdaryldy. Premer-ministr QR Úkimeti birlesken josparlardy iske asyrýda jáne ózara tiimdi yntymaqtastyq úshin sheshimder izdeýde syndarly dialogqa ashyq ekenin aitty.
Qazaqstannyń otandyq ónerkásipke "Tatneft" tehnologiialary men saraptamasyn engizýge múddeliligi atap ótildi.
