Qazirden bastap qystyń qamyna kirisken Batys elderi Qazaqstandy Reseidiń ornyn basatyn balama retinde qarastyryp otyrǵan kórinedi. Bizdiń de elde qarap qalmai, ońtaily sátti utymdy paidalanýǵa tyrysýda.
Bul jóninde Dalanews.kz habarlaidy.
"Biylǵy jyldyń alǵashqy alty aiynda Qazaqstan Eýropa elderine ótken jylǵy sáikes kezeńmen salystyrǵanda eki ese kóp kómir jetkizdi", – dep jazady osy oraida "Kommersant" basylym.
Eurostat-tyń (Eýroodaqtyń statistika qyzmeti) málim etkenindei, Pýtin basqynshylary bógde elge basyp kirmei tura Qazaqstannyń Eýropaǵa tasymaldaityn kómir kólemi tym mardymsyz bolǵan.
Kreml dúnieni dúrliktirip, Ýkrainany bombylai bastaǵan shaqta Qazaqstannyń Batysqa tasymaldaityn kómir kólemi kúrt artyp, 300-400 myń tonnaǵa jetken. Máselen, budan bir jyl sáýir men mamyrdyń aralyǵynda osy baǵyttaǵy eksport nebári 60-70 myń tonnany qurapty.
Al aldaǵy aida Reseidiń kómirin tasymaldaýǵa tyiym salatyn sheshim kúshine enedi. Qazir eýropalyq kompaniialar qysqy otyn men janarmai qoryn tolyqtyrý maqsatynda Qazaqstan men Reseiden keletin kómirdi satyp alýdy kúrt arttyrǵan.
Tamyzdan keiin Resei men Batys elderi arasyndaǵy kómir tasymaly tolyq toqtaidy.
Salany jetik biletin sarapshylardyń pikirinshe, odaqtasy aiaqtan shalmasa, Qazaqstan Eýroodaq elderine kómir tasýdy ulǵaita túsedi.
Bir gáp, kómir Eýropaǵa Resei nemese Baltyq elderiniń porttarynda aýystyryp tieý arqyly jóneltiledi, al sońǵy baǵyt reseilik temirjol jelisin paidalanýdy da qamtidy.
"Batys elderi jyldar boiy Reseidiń kómirin paidalanyp keldi, oǵan balama bolarlyq ózge tasymal joldaryn qarastyrǵan joq. Sondyqtan Reseiden keletin kómirdi almastyrý máselesi Eýropa úshin bas aýrý bolǵaly tur.
Qazaqstan Reseidiń sanaýly degen senimdi serikteriniń biri. Buǵan Kremldiń qalai qaraityny ázir belgisiz. Máskeý qazaq kómiriniń tranzitine tosqaýyl qoisa, endeshe ony ony Kaspii teńizindegi Aqtaý porty arqyly, odan keiin Ázirbaijan men Grýziia arqyly Qara teńizge jetkizýge bolady", – deidi "Kommersant".
...
Aita ketsek, 2019 jyly Resei qazaq kómirin Ýkrainaǵa tasymaldaýǵa shekteý qoiyp, kvota engizgen. Máskeýdiń sharty boiynsha Qazaqstannan Ýkrainaǵa jetkiziletin kómir kólemi aiyna 120 myń tonnadan aspaýǵa tiis edi.
Elimizdiń Saýda jáne integratsiia ministrligi osy shekteýdiń kesirinen qazaqstandyq kómir óndirýshiler ai saiyn 11 mln. dollar joǵaltyp, qyp-qyzyl shyǵynǵa batqanyn málimdegen. Keiin Resei taraby bul shekteýdi jumsartyp, qazaqstandyq kómir tasymalynyń kólemin 140 myń tonnaǵa deiin kótergen bolatyn.
https://dalanews.kz/aimak/79963-qapshagay-samga-orleuge-mumkindik
https://dalanews.kz/aimak/79903-zhastardyng-zhobasyna-1-million-tenggege-d
