"Reseidiń tikelei investitsiialar qory men «SQ-Farmatsiia» arasynda «Spýtnik V» vaktsinasynyń kepildik berilgen kólemin synaqtardyń barlyq satylarynan ótkennen keiin bólý týraly ózara túsinistik týraly kelisimge qol qoiyldy. Qazaqstan úshin qajetti ekpeni N.F. Gamaleia atyndaǵy epidemiologiia jáne mikrobiologiia ulttyq zertteý ortalyǵy júrgizýge daiyn", - delingen habarlamada.
Aita ketsek, qaýip tobyna kiretin qazaqstandyqtar úshin immýndaý tegin jáne erikti negizde júrgiziledi jáne vaktsina barlyq klinikalyq synaqtardan ótkennen keiin ǵana múmkin bolady.
Sonymen qatar sapar barysynda QR densaýlyq saqtaý ministri Aleksei Tsoi men RF densaýlyq saqtaý ministri Mihail Mýrashkonyń arasynda kelissóz ótti.
Kezdesýde koronavirýs infektsiiasynyń taralýyna qarsy kúrestegi ózara is-qimyl máseleleri talqylandy, nátijeleri boiynsha vedomstvolar arasyndaǵy odan ári yntymaqtastyq týraly hattamaǵa qol qoiyldy.
