"رەسەيدىڭ تىكەلەي ينۆەستيسيالار قورى مەن «سق-فارماسيا» اراسىندا «سپۋتنيك V» ۆاكسيناسىنىڭ كەپىلدىك بەرىلگەن كولەمىن سىناقتاردىڭ بارلىق ساتىلارىنان وتكەننەن كەيىن ءبولۋ تۋرالى ءوزارا تۇسىنىستىك تۋرالى كەلىسىمگە قول قويىلدى. قازاقستان ءۇشىن قاجەتتى ەكپەنى ن.ف. گامالەيا اتىنداعى ەپيدەميولوگيا جانە ميكروبيولوگيا ۇلتتىق زەرتتەۋ ورتالىعى جۇرگىزۋگە دايىن"، - دەلىنگەن حابارلامادا.
ايتا كەتسەك، ءقاۋىپ توبىنا كىرەتىن قازاقستاندىقتار ءۇشىن يممۋنداۋ تەگىن جانە ەرىكتى نەگىزدە جۇرگىزىلەدى جانە ۆاكسينا بارلىق كلينيكالىق سىناقتاردان وتكەننەن كەيىن عانا مۇمكىن بولادى.
سونىمەن قاتار ساپار بارىسىندا ق ر دەنساۋلىق ساقتاۋ ءمينيسترى الەكسەي سوي مەن رف دەنساۋلىق ساقتاۋ ءمينيسترى ميحايل مۋراشكونىڭ اراسىندا كەلىسسوز ءوتتى.
كەزدەسۋدە كوروناۆيرۋس ينفەكسياسىنىڭ تارالۋىنا قارسى كۇرەستەگى ءوزارا ءىس-قيمىل ماسەلەلەرى تالقىلاندى، ناتيجەلەرى بويىنشا ۆەدومستۆولار اراسىنداعى ودان ءارى ىنتىماقتاستىق تۋرالى حاتتاماعا قول قويىلدى.
