World Justice Project uıymynyń 2025 jylǵy Rule of Law Index reıtıńisinde Qazaqstan "Order and Security" (Qoǵamdyq tártip jáne qaýipsizdik) kórsetkishi boıynsha 143 eldiń ishinde 42-orynǵa turaqtady. Bul kórsetkish elderdegi qoǵamdyq qaýipsizdik deńgeıin baǵalaıdy, dep habarlaıdy Dalanews.kz.
Osylaısha Qazaqstan ótken jylmen salystyrǵanda bir satyǵa joǵarylady. 2024 jyly elimiz bul sanatta 43-orynda bolǵan.
Atalǵan ındeks qoǵamdyq tártiptiń saqtalýy, qylmys deńgeıi, zorlyq-zombylyq qaýpi jáne adamdardyń ózin qaýipsiz sezinýi sıaqty faktorlardy qamtıdy. Sarapshylardyń baǵalaýynsha, reıtıńtegi ósim eldegi qoǵamdyq qaýipsizdik kórsetkishteriniń birshama jaqsarǵanyn ańǵartady.
