2025 jyly qaitarylǵan aktivterdi satý memleket qazynasyna 200 mln teńgege jýyq kiris ákeldi, dep habarlaidy Dalanews.kz.
Qazaqparat málimetinshe, 2025 jyldyń basynan beri Qazaqstanda qaitarylǵan 32 aktiv aýktsion arqyly satylyp, 198,5 mln teńge túsken. Bul týraly Qaitarylǵan aktivterdi basqarý kompaniiasy habarlady.
Eń qymbat lot – Astanadaǵy bir ǵimarat, ol 96 mln teńgege satylǵan. Sonymen qatar elitalyq saǵattar (sonyń ishinde Patek Philippe – 36,2 mln teńge, Cartier – 17,7 mln teńge), zergerlik buiymdar men kollektsiialyq monetalar satyldy.
Barlyq saýda E-Qazyna onlain platformasy arqyly ótkizildi. Túsken qarajat Arnaiy memlekettik qorǵa baǵyttalady. Qazirgi tańda qorǵa 25,4 mlrd teńge túsken, onyń 24,6 mlrd teńgesi – aktivterdi satýdan alynǵan.
Qazirgi tańda kompaniia basqarýynda 48,6 mlrd teńgege baǵalanǵan aktivter bar. Kezekti aýktsiondar 22–31 shilde aralyǵynda ótedi.
Jaqyn arada 164 birlik zergerlik buiym men Almaty qalasy, Kóktem-2 shaǵyn aýdany, 22-úi mekenjaiyndaǵy jyljymaityn múlik satylymǵa shyǵarylady. Sonymen qatar Almaty oblysynda ornalasqan 15 jer ýchaskesi de aýktsionǵa qoiylǵan.
