2025 جىلى قايتارىلعان اكتيۆتەردٸ ساتۋ مەملەكەت قازىناسىنا 200 ملن تەڭگەگە جۋىق كٸرٸس ەكەلدٸ, دەپ حابارلايدى Dalanews.kz.
قازاقپارات مەلٸمەتٸنشە, 2025 جىلدىڭ باسىنان بەرٸ قازاقستاندا قايتارىلعان 32 اكتيۆ اۋكتسيون ارقىلى ساتىلىپ, 198,5 ملن تەڭگە تٷسكەن. بۇل تۋرالى قايتارىلعان اكتيۆتەردٸ باسقارۋ كومپانيياسى حابارلادى.
ەڭ قىمبات لوت – استاناداعى بٸر عيمارات, ول 96 ملن تەڭگەگە ساتىلعان. سونىمەن قاتار ەليتالىق ساعاتتار (سونىڭ ٸشٸندە Patek Philippe – 36,2 ملن تەڭگە, Cartier – 17,7 ملن تەڭگە), زەرگەرلٸك بۇيىمدار مەن كوللەكتسييالىق مونەتالار ساتىلدى.
بارلىق ساۋدا E-Qazyna ونلاين پلاتفورماسى ارقىلى ٶتكٸزٸلدٸ. تٷسكەن قاراجات ارنايى مەملەكەتتٸك قورعا باعىتتالادى. قازٸرگٸ تاڭدا قورعا 25,4 ملرد تەڭگە تٷسكەن, ونىڭ 24,6 ملرد تەڭگەسٸ – اكتيۆتەردٸ ساتۋدان الىنعان.
قازٸرگٸ تاڭدا كومپانييا باسقارۋىندا 48,6 ملرد تەڭگەگە باعالانعان اكتيۆتەر بار. كەزەكتٸ اۋكتسيوندار 22–31 شٸلدە ارالىعىندا ٶتەدٸ.
جاقىن ارادا 164 بٸرلٸك زەرگەرلٸك بۇيىم مەن الماتى قالاسى, كٶكتەم-2 شاعىن اۋدانى, 22-ٷي مەكەنجايىنداعى جىلجىمايتىن مٷلٸك ساتىلىمعا شىعارىلادى. سونىمەن قاتار الماتى وبلىسىندا ورنالاسقان 15 جەر ۋچاسكەسٸ دە اۋكتسيونعا قويىلعان.
