Vıse-premer Roman Sklár keı azamattardyń qaıtadan burynǵy ýaqyt beldeýine aýysý usynysyna qatysty pikirin bildirdi, – dep habarlaıdy Dalanews.kz Massaget.kz-ke silteme jasap.
"Qoǵamnyń bir bóligi jańa ýaqytqa oń baǵa beredi. Keıbireýler muny qabyldady, al basqalary áli qabyldaı almady.
Barlyq artyqshylyq pen kemshilikti muqıat zertteý kerek. Menińshe, barlyǵyn tyńdap, praktıkalyq turǵydan qaraý qajet", – dedi Roman Sklár.
Qazaqstanda ýaqyt beldeýin aýystyrý 2023 jyldyń 1 naýryzynan bastaldy. El bir ýaqytta UTC+5 ýaqyt beldeýine kóshti.
Buryn elde birneshe ýaqyt beldeýleri bolǵan, biraq bul ózgerister qazaqstandyqtardyń ótinishterine baılanysty qabyldandy. Buǵan deıin, Májilistiń bir top depýtaty Úkimetten burynǵy ýaqyt beldeýin qaıtarýdy talap etken bolatyn.
Eske salaıyq, buǵan deıin depýtattar ýaqyt beldeýin ózgertýdi talap etken bolatyn.
Bul týraly Májilis depýtaty Maqsat Tolyqbaı ınstagram paraqshasynda aıtty.
– Myńdaǵan halyqtyń aryz-shaǵymy, tilegine oraı arnaıy málimdeme jasaǵymyz kelip otyr. Búgin “Amanat” fraksıasynyń Májiliste arnaıy jıynyn ótkizdik. Osyndaǵy áriptesterimiz kýá: osy jazda óńirlerdi aralaǵan kezde, ásirese Shyǵys Qazaqstan, Pavlodar, Soltústik Qazaqstan, Abaı oblysy, Jetisý óńirinde halyq tarapynan eń kóp qoıylǵan suraq – ýaqyt beldeýine baılanysty boldy. Olar burynǵy ýaqyttyń qaıtarylýyn talap etip jatyr. Bálkim, Qostanaı, Qyzylorda, Batys Qazaqstan úshin osy ýaqyt beldeýi yńǵaıly shyǵar. Biraq shyǵys úshin tıimsiz. Bizdiń Shyǵys Qazaqstanda tańǵy eki jarymda tań atady. Sıyrdyń móńiregen daýysynan oıanasyń. Keshki bes-alty tasqarańǵy. Ekinshi, úshinshi aýysymda oqıtyn oqýshylar bar. Olar qalaı qaıtady? Aýyldy jerlerde tipti jaryq joq" – deıdi Maqsat Tolyqbaı bastaǵan bir top depýtat.
Halyq qalaýlylary jer úlken bolǵan soń georafıa boıynsha ýaqyt beldeýi aldyn ala zerttelýi kerek edi deıdi. Depýtattardyń sózinshe, onyń densaýlyqqa qanshalyqty zıan ekeni, qansha energıa artyq shyǵyndalyp jatqany aldyn ala zerttelýi qajet bolǵan.
– Sondyqtan, búgin arnaıy fraksıanyń jıynyn ótkizdik. Ýáde etkendeı aldaǵy ýaqytta Parlamenttiń jalpy otyrysynda Úkimet múshelerin, ǵalymdardy, mamandardy shaqyryp, tyńdaý ótkizemiz. Naqty usynystaryńyz bolsa aıtyńyzdar. Úkimettiń naqty sheshim qabyldaýyna yqpal etemiz, – deıdi olar.
Maqsat Tolyqbaımen Nurtaı Sábılánov ta Abaı oblysyna barǵanda osy máseleni halyq kóp kótergenin atap ótti.
