Qazaqstan Ekologiia ministrligi Qashaǵan ken orny operatory NCOC kompaniiasyna qatysty 4,4 mlrd dollar kólemindegi aiyppul óndirip alý talabyn kúshinde qaldyrdy, dep habarlaidy Dalanews.kz.
Vedomstvonyń málimetinshe, 2022 jyldan beri júrgizilgen tórt tekseris nátijesinde on zańbuzýshylyq anyqtalǵan.
Olardyń qatarynda:
- kúkirt saqtaý limitiniń birneshe ese artyq bolýy;
- tazartylmaǵan aǵyn sýlardy tógý faktileri;
- shiki gazdyń apatty shyǵarylymdary;
- shań basý jáne synama alý júieleriniń bolmaýy bar.
Negizgi zańbuzýshylyq "Bolashaq" qondyrǵysyna qatysty. 2022 jyly kúkirt saqtaý limiti 730 myń tonna bolyp belgilense, naqty kólem 1,75 mln tonnaǵa jetken.
NCOC sheshimge shaǵymdanatynyn jáne quqyqtaryn qorǵaý úshin barlyq zańdy múmkindikterdi paidalanatynyn málimdedi.
Buǵan deiin Joǵarǵy sot kompaniiaǵa qatysty birqatar sheshimderdi joiǵan bolatyn. Alaida ministrlik rásimdik kemshilikterdi túzetken soń, aiyppuldy óndirip alý talaby óz kúshinde qaldy.
