Lıngvısıkalyq komısıanyń quramy Qazaqstan Respýblıkasy Ortalyq saılaý komısıasynyń 2015 jylǵy 27 aqpandaǵy qaýlysyna ózgerister engizýmen jańartyldy.
Komısıa músheleri Komısıanyń jumysyna qatysty uıymdastyrý máselelerin, "Qazaqstan Respýblıkasynyń Prezıdenttigine kandıdattyń memlekettik tildi erkin meńgergendigin anyqtaý rásimi týraly" Ortsaılaýkomnyń 2005 jylǵy 31 tamyzdaǵy qaýlysymen aıqyndalatyn Qazaqstan Respýblıkasynyń Prezıdenttigine kandıdattyń memlekettik tildi erkin meńgergendigin anyqtaý rásimin talqylady.
Osy qaýlyǵa sáıkes memlekettik tildi erkin meńgergendigin anyqtaý úshin:
1) lıngvısıkalyq komısıa usynǵan taqyrypqa kólemi eki betten aspaıtyn jazbasha tapsyrma jazý;
2) lıngvısıkalyq komısıa usynǵan kólemi úsh betten aspaıtyn baspa mátinin oqý;
3) lıngvısıkalyq komısıa bergen taqyrypqa kópshilik aldynda sóz sóıleý keminde on bes mınýt.
Lıngvısıkalyq komısıanyń otyrysyna onyń músheleri men Qazaqstan Respýblıkasynyń Prezıdenttigine kandıdattan basqa, Qazaqstan Respýblıkasy Ortalyq saılaý komısıasynyń músheleri baıqaýshylar retinde qatysýǵa quqyly.
- Lıngvısıkalyq komısıanyń sheshimi komısıa músheleri sanynyń kópshilik daýsymen ashyq daýys berý arqyly qabyldanady, otyrys hattamasymen resimdeledi jáne otyrysqa qatysyp otyrǵan Qazaqstan Respýblıkasy Ortalyq saılaý komısıasynyń múshesine dereý beriledi, - dep habarlap otyr OSK.
Lıngvısıkalyq komısıa músheleri Komısıanyń jumysy ashyq jáne jarıaly túrde júzege asyrylatynyn, al buqaralyq aqparat quraldary kandıdattardyń árqaısysy boıynsha sheshim qabyldaý prosesin baıqaýǵa múmkindik alatynyn atap ótti.
