Qazaqstan pasporty Henley Passport Index jahandyq reitinginde óz pozitsiiasyn jaqsartty. 2026 jylǵy jańartylǵan derek boiynsha el 57-orynǵa kóterildi, al Qazaqstan azamattary 78 elge vizasyz bara alady, dep habarlaidy Dalanews.kz.
Henley & Partners indeksine sáikes, qazaqstandyq pasport sońǵy jyldary turaqty túrde joǵarylap keledi.
Eger 2023 jyly Qazaqstan 70-orynda bolsa, 2024 jyly - 66-orynǵa, 2025 jyly - 61-orynǵa kóterilgen. Al 2026 jyly 57-satyǵa deiin jetti. Osylaisha, 2,5 jyl ishinde el 13 pozitsiiaǵa ilgeriledi.
Reitingte Qazaqstan Boliviia men Belarýsten joǵary ornalasqanymen, Kosovo men Qytaidan keiin tur.
Óńirlik salystyrýda Qazaqstan ortańǵy deńgeide qalyp otyr. Qyrǵyzstan men Ózbekstan 73-oryndy bólisip, olardyń azamattary 59 elge vizasyz bara alady. Tájikstan 79-orynda (53 el), al Túrikmenstan 87-orynda (45 el).
Resei 44-orynda ornalasqan, onyń azamattaryna 113 baǵyt qoljetimdi. Belarýs - 58-orynda, Ázerbaijan - 66-orynda (67 el).
Reiting kóshbasynda Singapýr tur - bul eldiń pasportymen 192 memleketke vizasyz barýǵa bolady. Sondai-aq Japoniia men Ońtústik Koreia azamattaryna 187 elge vizasyz kirý múmkindigi berilgen.
