Atap aitqanda, OQO ákimdigi ózbekstandyq «Alliance textile» kásipornymen Ońtústiktegi toqyma ónerkásibine investitsiia salý boiynsha, al «Ońtústik» arnaiy ekonomikalyq aimaǵyndaǵy toqyma kásiporyndaryn ońaltý úshin «Ońtústik» AEA-ǵy kórshi eldiń «Kaztehinpeks» JShS-men, sonymen birge meditsinalyq maqsattaǵy buiymdardy óndirýge arnalǵan zaýyt qurylysyn salý boiynsha oblys ákimdigi men ózbekstandyq «Dentafil pliýs» kompaniiasy arasynda memorandým túzildi.
Aita keteiik, búgin Ońtústik Qazaqstan oblysynda iskerlik qarym-qatynasty damytý maqsatynda Qazaqstan-Ózbekstan biznes-forýmy ótken bolatyn. Forým barysynda alǵash ret Iskerlik Keńestiń birinshi kezdesýi bolyp ótti. Forým jumysyna eki eldiń elshileri Erik Ótembaev pen Saidikram Niiazhodjaev, QR investitsiialar jáne damý vitse-ministri Qaiyrbek Óskenbaev, Ózbekstan Respýblikasynyń syrtqy saýda ministriniń orynbasary Sohib Saifnazarov, Ońtústik Qazaqstan oblysynyń ákimi Janseiit Túimebaev, Ózbekstandaǵy saýda-ónerkásip palatasynyń tóraǵasy Adham Ikramov pen 400-den astam qos eldiń kásipkerleri qatysty.
OQO Kásipkerler palatasynyń uiymdastyrýymen ótken forým barysynda taraptar birlesken biznes jobalar men investitsiialyq usynystar jaiynda yntymaqtastyqty damytýdy sóz etip, eksport pen import boiynsha úshinshi elderge kirý jaiyn talqylady.
OQO ákiminiń baspasóz qyzmeti
