Dúniejúzilik densaýlyq saqtaý uiymy men World Population Review zertteý platformasynyń deregine súiensek, Qazaqstan Ortalyq Aziia elderi arasynda alkogoldi eń kóp tutynatyn memleket retinde tanylǵan, dep habarlaidy dalanews.kz.
Zertteý nátijesi boiynsha Qazaqstanda 15 jastan asqan bir turǵyn jylyna orta eseppen 5,4 litr taza spirt tutynady. Bul kórsetkish óńirdegi ózge elderden joǵary.
Qyrǵyzstanda bul kórsetkish 3,9 litr bolsa, Ózbekstanda 2,1 litr, al Tájikstanda 0,7 litr bolǵan.
Soǵan qaramastan Qazaqstan álemdik reitingtiń kósh basynda turǵan joq.
Reitingtiń alǵashqy bestigine Rýmyniia, Grýziia, Latviia, Moldova jáne Chehiia kirdi. Bul elderde jan basyna shaqqandaǵy taza spirt tutyný kólemi jylyna 13,7-17,1 litr aralyǵynda.
Al alkogoldi eń az tutynatyn elder qatarynda Pákistan, Mysyr, Iran, Siriia jáne Kýveit atalǵan.
