Almatyda 2 sáýir kúni Allur avtokólik kompaniiasynyń quramyndaǵy Soueast brendi alǵash ret resmi tanystyryldy. Is-sharaǵa jýrnalister, seriktester men sala ókilderi qatysyp, jańa brendtiń baǵyty men múmkindikterin baǵamdady, dep habarlaidy Dalanews.kz.
Soueast brendi eń aldymen otbasyǵa arnalǵan, zamanaýi ári jaily krossoverler óndirýshisi retinde usynyldy. Kompaniia ókilderiniń aitýynsha, basty nazar – adamnyń kúndelikti qajettiligi men ómir saltyna beiimdelgen kólik usynýǵa baǵyttalǵan.
Soueast International kompaniiasynyń atqarýshy vitse-prezidenti Mr. Yan brendtiń jahandyq damýyna toqtaldy.
"Búginde Soueast kólikteri álemniń 48-den astam elderi men aimaqtarynda usynylǵan. Ortalyq Aziiada da qarqyndy damyp kelemiz. Qazaqstan naryǵyna úsh negizgi S06, S07 jáne S09 úlgilerin alyp keldik. Bizdiń maqsatymyz – tek kólik satý emes, turǵyndarǵa jaily otbasylyq saparlarǵa arnalǵan jańa ári senimdi sheshimder usyný", – dedi ol.
Jańa brendtiń kólikteri Qostanai qalasyndaǵy Allur zaýytynda qurastyrylmaq. Bul kásiporyn Qazaqstandaǵy iri avtomobil óndirýshilerdiń biri sanalady. Zaýyttyń óndiristik qýaty jylyna 125 myń kólikke deiin jetedi.
Allur kompaniiasynyń prezidenti Oksana Holstinina bul jobanyń indýstriia úshin mańyzyn atap ótti.
"Soueast óndirisiniń iske qosylýy – seriktestiktiń jańa kezeńi. Biz jergilikti óndiristi kúsheitip, injenerlik áleýetti damytýǵa jáne halyqaralyq standarttarǵa sai ónim shyǵarýǵa basymdyq berip otyrmyz", - dedi ol.
Is-shara klassikalyq formattan bólek, interaktivti aimaqtar men erekshe tanystyrý tásilderi arqyly ótti. Qonaqtar brend kontseptsiiasymen jaqynyraq tanysyp, kólikterdi tájiribe júzinde baǵalaýǵa múmkindik aldy.
Tanystyrylym aiasynda úsh negizgi model usynyldy:
- Soueast S06 – zamanaýi dizain men dinamikany úilestirgen krossover. Baǵasy 11,69 mln teńgeden bastalady;
– Soueast S07 – qala men otbasy úshin ámbebap sheshim. Baǵasy 13,99 mln teńge;
– Soueast S09 – 7 oryndyq, joǵary jailylyq deńgeiindegi flagman model. Baǵasy 13,99 mln teńgeden bastalady.
Barlyq model 1.6 jáne 2.0 litrlik týrboqozǵaltqyshtarmen, tolyq jetek júiesimen (4WD), 8 satyly avtomatty berilis qorabymen jabdyqtalǵan. Sondai-aq qaýipsizdik pen jailylyqqa erekshe kóńil bólingen.
Kompaniianyń málimetinshe, jaqyn ýaqytta Qazaqstannyń 10 qalasynda 14 dilerlik ortalyq ashý josparlanyp otyr. Kólikterge 5 jyl nemese 200 myń shaqyrymǵa deiin kepildik beriledi.
Soueast brendi Qazaqstan naryǵynda jergilikti óndiris pen sapaǵa súiene otyryp, otbasylyq qundylyqtarǵa baǵyttalǵan ámbebap kólikter usynýdy kózdeidi.
