Qazaqstan munaiyn nemistiń Shved qalasyndaǵy munai óńdeý zaýytyna tikelei jetkizetin "Drýjba" munai qubyry búlinip, munai aidaý ýaqytsha toqtatyldy, dep habarlaidy Dalanews.kz.
Tótenshe oqiǵa Polshanyń Pneva qalasy mańynda 1 jeltoqsanda tańerteń bolǵan. Bul týraly sol eldiń memlekettik órt qyzmeti habarlady. "Jarylys nemese órt qaýpi joq" dedi resmi organ. Qazirgi ýaqytta qubyrdyń búlingen jeri jóndelip jatyr.
2024 jyldyń qańtar-qazan ailarynda Germaniiaǵa 1,2 mln tonna Qazaqstan munaiy jetkizildi. Bul týraly 25 qarashada Májilis qabyrǵasyndaǵy Úkimet saǵatynda QMG Basqarmasynyń basshysy Ashat Hasenov málimdegen edi. Sol kezde Energetika ministri Almasadam Sátqaliev Qazaqstannyń alda munai óndirisi kólemin 100 mln tonnaǵa arttyrý jáne eksport kólemin de ulǵaitý týraly jospary baryn jariialady. Qazaqstannyń bul jospary jariia bola salysymen, ony sheteldik BAQ-tar birden ilip áketti.
"Qazaqstan 2024 jyldyń qańtar-qazan ailary aralyǵynda "Drýjba" magistraldyq qubyrlar júiesi arqyly Germaniiaǵa 1,2 mln tonna munai jetkizgenin habarlady. Osylaisha, aǵymdaǵy jyldyń toǵyz aiynda Qazaqstan buryn Resei munaiy aidalǵan Shvedtegi MÓZ úshin munai jetkizý boiynsha mindettemelerdi oryndady. 2023 jyly qazaqstandyq Qarashyǵanaq ken ornynan Germaniiaǵa 933 myń tonna munai jetkizildi. Qazaqstan prezidenti Qasym-Jomart Toqaev GFR-ǵa munai eksportyn ulǵaitýǵa daiyn ekenin aitty", dep jazdy nemistiń DW basylymy.
Jalpy, Germaniia Qazaqstannan munai eksporty kólemin ulǵaitýdy surap keledi.
Aita ketsek, "Drýjba" qubynyń soltústik tarmaǵy boiynsha Germaniiadaǵy munai óńdeý zaýytyna 2023 jyldyń aqpan aiynan bastap táýligine 2 mln barrel Qazaqstan munaiy aidalýda. Bul tasymalǵa birneshe ret qaýip tóngen. Bul rettegi apat turǵysynda emes, tólemder boiynsha. Máselen, "Drýjba" qubyrynyń operatory - "Transneft" Varshavadan biyl maýsym aiyna deiin Adamovodaǵy bazasynda gazdy ólsheý qyzmetteri boiynsha tólem jasaýdy talap etti, biraq poliak operatory batys sanktsiialaryn buzamyn ba dep qoryqqan. Aqyrynda "Transneft" jáne qazaqstandyq munaidy qabyldaýshy Shvedtegi nemis MÓZ poliak shyǵyndaryn óz moiyndaryna alatynyn, al aty atalmaǵan slovak kompaniiasy PERN-ge sanktsiia áseri táýekelderi máselesimen ainalysýǵa ózara kelisken bolatyn. Sondyqtan munyń barlyǵy bul arada munai eksporty kólemine qatysty sheshim birjaqty sheshilmeitinin ańǵarta alady.
