Memleket basshysynyń Qytaiǵa memlekettik sapary aiasynda Qazaqstanda serverlik jabdyq óndirisin damytýǵa baǵyttalǵan yntymaqtastyq týraly memorandýmǵa qol qoiyldy, dep habarlaidy dalanews.kz.
Qujatqa «Qazaq Investment Company» JShS Qazaqstannyń Elektrondyq ónerkásip qaýymdastyǵynyń qoldaýymen jáne China Electronics Shenzhen Company kompaniiasymen qol qoidy.
Joba memlekettik organdar men jeke sektorda, sondai-aq jasandy intellektke arnalǵan derekterdi óńdeý ortalyqtaryn salý kezinde paidalanylatyn serverler óndirisiniń tehnologiialaryn Qazaqstanǵa transfertteýdi kózdeidi.
Joba aiasynda serverlerge arnalǵan analyq taqshalardy óndiretin SMT jelisi iske qosylady.
Kompaniianyń málimetinshe, Qazaq Investment Company búginde kompiýterler men monobloktardy, onyń ishinde plastikalyq korpýstar men qýat bloktaryn shyǵaratyn óndiristik qýatqa ie. Osylaisha kásiporyn kompiýterlik tehnikany joǵary deńgeide jergiliktendirip óndiretin Qazaqstandaǵy alǵashqy óndiris orny sanalady.
Jańa joba iske asqannan keiin óndiristiń tolyq tsikli elimizde júzege asyrylady. Iaǵni korpýs, qýat blogy jáne analyq taqsha Qazaqstanda shyǵarylyp, bul tsifrlandyrý úshin mańyzdy baǵyttaǵy tehnologiialyq táýelsizdikti kúsheitýge múmkindik beredi.
Jobanyń ózektiligi eldegi esepteý qýatyna suranystyń artýymen, memlekettik jáne korporativtik aqparattyq júielerdiń, bultty servisterdiń, jasandy intellekt tehnologiialarynyń damýy jáne data-ortalyqtardyń belsendi salynýymen bailanysty.
Josparlanǵan óndiris ishki naryqty memlekettik organdarǵa, ulttyq kompaniialarǵa, bailanys operatorlaryna, qarjy uiymdary men iri ónerkásip kásiporyndaryna qajetti zamanaýi serverlik jabdyqpen qamtamasyz etýge múmkindik beredi.
Sonymen qatar taraptar qazaqstandyq mamandardy daiarlaý, injenerlik jáne óndiristik quzyretterdi damytý, sondai-aq shyǵarylatyn ónim túrlerin keńeitý baǵytynda da birlesip jumys isteidi.
