Qasym-Jomart Toqaev pen Shavkat Mırzıóev Buharada Jasandy ıntellekt boıynsha ótip jatqan jalpyulttyq hakatondy tamashalady, dep habarlaıdy Dalanews.kz
Memleketter basshylaryna bul saıys İT jáne jasandy ıntellekt salalaryn meńgergen talantty jastardy taýyp, olarǵa qoldaý kórsetý maqsatynda uıymdastyrylǵany baıandaldy.
Hakaton bilim berý mekemeleri, bıznes jáne memlekettik qurylymdar arasyndaǵy yntymaqtastyqty nyǵaıtýǵa septigin tıgizedi. Hakatonǵa qatysýshylar medısına, bilim berý tehnologıalary, sondaı-aq kásipkerlik baǵyttaryndaǵy naqty mindetterdiń túıinin tarqatýmen aınalysady.
Óńirlik jarysqa myńnan astam jas maman, stýdentter men baǵdarlama ázirleýshiler qatysty.
Prezıdentterge Govtech Ózbekstan sıfrlyq úkimetiniń sońǵy ázirlemeleri, kólik, keden, salyq, energetıka, densaýlyq saqtaý, áleýmettik qorǵaý, qurylys, ónerkásip salalaryndaǵy sıfrlyq sheshimder tanystyryldy.
