قاسىم-جومارت توقايەۆ پەن شاۆكات ميرزيويەۆ بۇحارادا جاساندى ينتەللەكت بويىنشا ءوتىپ جاتقان جالپىۇلتتىق حاكاتوندى تاماشالادى، دەپ حابارلايدى Dalanews.kz
مەملەكەتتەر باسشىلارىنا بۇل سايىس ءىت جانە جاساندى ينتەللەكت سالالارىن مەڭگەرگەن تالانتتى جاستاردى تاۋىپ، ولارعا قولداۋ كورسەتۋ ماقساتىندا ۇيىمداستىرىلعانى باياندالدى.
حاكاتون ءبىلىم بەرۋ مەكەمەلەرى، بيزنەس جانە مەملەكەتتىك قۇرىلىمدار اراسىنداعى ىنتىماقتاستىقتى نىعايتۋعا سەپتىگىن تيگىزەدى. حاكاتونعا قاتىسۋشىلار مەديسينا، ءبىلىم بەرۋ تەحنولوگيالارى، سونداي-اق كاسىپكەرلىك باعىتتارىنداعى ناقتى مىندەتتەردىڭ ءتۇيىنىن تارقاتۋمەن اينالىسادى.
وڭىرلىك جارىسقا مىڭنان استام جاس مامان، ستۋدەنتتەر مەن باعدارلاما ازىرلەۋشىلەر قاتىستى.
پرەزيدەنتتەرگە Govtech وزبەكستان سيفرلىق ۇكىمەتىنىڭ سوڭعى ازىرلەمەلەرى، كولىك، كەدەن، سالىق، ەنەرگەتيكا، دەنساۋلىق ساقتاۋ، الەۋمەتتىك قورعاۋ، قۇرىلىس، ونەركاسىپ سالالارىنداعى سيفرلىق شەشىمدەر تانىستىرىلدى.
