OPEK+ uiymynyń segiz eli maýsymdyq erekshelikterdi eskere otyryp, 2026 jyldyń qańtar, aqpan jáne naýryz ailarynda óndiristi arttyrýdy toqtata turý jóninde 2 qarashada qabyldanǵan sheshimdi rastady, dep habarlaidy Dalanews.kz.
2023 jyldyń sáýiri men qarashasynda qosymsha erikti óndirýdi qysqartý týraly jariialaǵan Qazaqstan, Saýd Arabiiasy, Resei, Irak, BAÁ, Kýveit, Aljir jáne Oman 2025 jylǵy 30 qarashada onlain kezdesý ótkizdi.
Atalǵan elder álemdik naryqtaǵy aldaǵy ahýalǵa qarai táýligine 1,65 mln barrel kólemindegi óndiristi tolyqtai nemese jartylai kezeń-kezeńimen naryqqa qaita shyǵarý múmkindigin taǵy da atap ótti.
Sonymen qatar, 2024 jyldyń qańtarynan beri oryn alǵan kez kelgen artyq óndirý kólemin tolyq óteý nieti de rastaldy.
Taraptar naryqtaǵy jaǵdaidy, kelisimderdiń oryndalý deńgeiin baǵalaý úshin ai saiyn otyrys ótkizip otyrýǵa kelisti. Kelesi kezdesý 2026 jyldyń 4 qańtaryna josparlandy.
