25 shildeden bastap Qazaqstan men Birikken Arab Ámirlikteri júrgizýshi kýálikterin ózara taný tártibin engizdi, dep habarlaidy dalanews.kz.
Qazaqstannyń Ishki ister ministrliginiń málimetinshe, endi Ámirlikterde ýaqytsha júrgen Qazaqstan azamattary ulttyq júrgizýshi kýáligin jergilikti zańnama talaptaryna sáikes paidalana alady.
"Al BAÁ-ge turaqty turýǵa kóshken azamattar qazaqstandyq júrgizýshi kýáligin teoriialyq jáne praktikalyq emtihan tapsyrmai-aq jergilikti júrgizýshi kýáligine aiyrbastai alady. Bul jeńildik “V” sanatyndaǵy jeńil avtokólikter men “V1” kishi sanatyndaǵy tritsiklder jáne kvadrotsiklderge ǵana qatysty", - dep habarlady vedomstvo.
Júrgizýshi kýáligin aýystyrý úshin qoldanystaǵy júrgizýshi kýáligi, turýǵa yqtiiarhat, meditsinalyq anyqtama jáne qujattyń resmi aýdarmasy qajet. Bul rette qazaqstandyq júrgizýshi kýáligi tárkilenbeidi.
Alaida jeńildetilgen tártip júrgizýshi kýáliginiń ózge sanattaryna qoldanylmaidy.
