Májilis «Qazaqstan Respýblikasynyń Úkimeti men Armeniia Respýblikasynyń Úkimeti arasyndaǵy azamattardyń saparlary men bolý tártibi týraly kelisimdi ratifikatsiialaý týraly» Zańdy qabyldady,- dep habarlaidy Dalanews.kz
- Kelisimge 2024 jylǵy sáýirde Memleket basshysynyń Armeniiaǵa resmi sapary aiasynda qol qoiyldy. Qujatpen memleket azamattarynyń elde 30 kún bolǵannan keiin politsiiada tirkelýi mindeti engizilip jatyr. Qazir olar politsiiaǵa barmai 90 kún bola alady. Bul normany engizý kóshi-qon baqylaýynyń tiimdiligin arttyrady. Jyl basynan beri Qazaqstanǵa 12 myńǵa jýyq Armeniia azamaty keldi. Sondai-aq kelisimde ulttyq zańnamaǵa sáikes 90 kúnnen astam eldi bolý múmkindigi kózdelgen. Ýaqytsha turýǵa ruqsat alý jetkilikti. Osylaisha, eki jaq úshin vizalyq rejim joiylady. Bul azamattardyń elge kelý kezinde shyǵyndaryn azaitady, - dedi qujat boiynsha baiandama jasaǵan Ishki ister ministri Erjan Sádenov.
Onyń aitýynsha, elge kirý úshin qajetti quraldar tizbesine mynalar engiziledi:
- Armeniia azamattary úshin sáikestendirý kartasy;
- Qazaqstan azamattary úshin jeke kýálik.
- Osyndai tájiribe bar. Qazaqstan azamattary jeke kýálikpen Resei men Qyrǵyzstanǵa erkin kire alady. Bul shara kelý jáne bolý tártibin jeńildetedi. Sodai-aq pasport rásimdeý shyǵynyn azaitady, - dedi ministr.
