Otbasymen Siriiaǵa attanǵan Ońtústik Qazaqstan oblysy Qazyǵurt aýdanynyń týmasy Marat Máýlenov Qazaqstan basshylyǵyna beineúndeý joldady. Beinejazba WhatsApp messendjeri arqyly taraýda.
"Qazaqstan jerine shyn júrekten sálem" deitin tórt minýttyq beinejazbanyń basynda qarý asynǵan saqaldy jigit ózin Or qalasynyń turǵyny Rinat Jumabekov dep tanystyrǵan taǵy bir qarýly adammen birge sóileidi. Qazyǵurt aýdanynyń turǵyndary birinshi adamdy Marat Máýlenov dep tanyp otyr. Orys tilindegi úndeýlerinde olar otbasylaryn "halifat jerine" kóshirip ákelgenderin jáne balalrdy onda «shariǵat boiynsha» oqytyp jatqandaryn aitady. Máýlenov Qazaqstandy «Kúpirstan» dep atap, «demokratiia men shaitan» úshin emes, «Allah sózin jetkizý úshin shaiqasyp jatqanyn» málimdedi.
Byltyr qyrkúiekte internette 45 jastaǵy Marat Máýlenovtiń otbasymen birge Siriiaǵa kóship ketkeni týraly aqparat paida boldy. Qazyǵurt aýylyndaǵy Oraz Jandosov atyndaǵy orta mektepte orys tiliniń muǵalimi bolǵan Marat Máýlenov kórshilerine áieli jáne alty balasymen Bishkekke kiim alýǵa ketip bara jatqanyn aitqan. Máýlenov jumys istegen mektep direktory joǵalyp ketken ustazdy jumystan shyǵarǵanyn habarlady.
