Qazaqstanda kómir himiiasyn damytý arqyly energetika salasyn jańǵyrtý josparlanyp otyr. Bul týraly Energetika ministrliginiń baspasóz qyzmeti habarlady, dep habarlaidy dalanews.kz.
Vedomstvo málimetinshe, elde kómirdi tereń óńdeýge baǵyttalǵan úsh iri joba iske asyrylyp jatyr.
Qaraǵandy oblysynda jylyna 1 mln tonna koks óndiretin zaýyt salynyp jatyr. Joba aiasynda 500-ge deiin jumys orny ashylady dep kútilýde.
Sonymen qatar, Pavlodar jáne Qaraǵandy oblystarynda kómirden dizel otynyn óndiretin eki zaýyttyń qurylysy júrip jatyr. Ár kásiporynnyń qýaty jylyna 100 myń tonnany quraidy.
Budan bólek, taǵy úsh perspektivaly joba pysyqtalý ústinde. Olardyń qatarynda Qaraǵandyda benzol óndirý jáne taskómir shaiyrynan alynatyn gazdy tazartý jobalary bar.
Abai oblysynda ammiak pen karbamid óndirý josparlansa, kómirden gaz óndirý jobasy boiynsha óndiris alańy áli anyqtalyp jatyr.
Ministrlik kómir himiiasyn damytý kómir salasyn ártaraptandyrýǵa jáne qosylǵan quny joǵary ónim shyǵarýǵa múmkindik beretinin atap ótti.
