Qazaqstan kolledjderi atom energetikasy, dron qurastyrý boiynsha mamandar daiarlai bastaidy. Bul týraly Oqý-aǵartý ministri Ǵani Beisembaev aitty, dep habarlaidy Dalanews.kz.
«Atom energetikasy mamandaryn daiyndaýda Vengriia tájiribesin engizý, sondai-aq IT jáne drondardy qurastyrý salasynda Qytai tájiribesin qoldaný josparlanyp otyr», – dedi oqý-aǵartý ministri Ǵani Beisembaev.
Ministrliktiń málimetinshe, 2025 jyldyń 1 qyrkúieginen bastap kolledjderdegi jan basyna shaqqandaǵy qarjylandyrý kólemi eki ese artady. Qazirgi ýaqytta 518 kásiporyn kolledjderge qamqorlyq kórsetip otyr, al bolashaqta olardyń sanyn 4 myńǵa deiin jetkizý kózdelýde.
Sonymen qatar, Astanada tehnikalyq jáne kásiptik bilim berý stýdentterin qoldaý jáne damytý maqsatynda Ulttyq quzyrettilik ortalyǵy qurylatyny atap ótildi.
Eske salaiyq, buǵan deiin AES qurylysy boiynsha tórt kompaniiamen dialog aiaqtalǵan bolatyn.
"Rosatom" memlekettik korporatsiiasy KHNP (Koreia), CNNC ( Qytai) jáne EDF (Frantsiia) kompaniialarymen qatar Qazaqstanda atom elektr stantsiiasyn salý úshin tehnologiialardy áleýetti jetkizýshilerdiń qysqa tizimine endi.
2025 jylǵy 21 qańtarda QR Energetika ministri Almasadam Sátqaliev bastaǵan qazaqstandyq delegatsiia Resei Federatsiiasyna jumys saparymen bardy. Bul sapar tenderge qatysýshylardyń usynystaryn baǵalaýǵa baǵyttalǵan kelissózder seriiasynyń sońǵy kezeńi boldy.
Buǵan deiin, 2024 jyldyń qazanynan jeltoqsanyna deiin Koreia Respýblikasyna, Frantsiia Respýblikasyna jáne Qytai Halyq Respýblikasyna osyndai saparlar bolǵan.
