Qazaqstan Dúniejúzilik bankten 92,3 mlrd ien qaryz tartpaq, dep habarlaidy dalanews.kz.
Úkimet Qazaqstan men Halyqaralyq qaita qurý jáne damý banki arasyndaǵy qaryz týraly kelisimdi ratifikatsiialaý jónindegi zań jobasyn Májilis qaraýyna usyndy.
Qujatqa sáikes, Qazaqstan Dúniejúzilik bank tobyna kiretin qarjy institýtynan 92,3 milliard japon ienin qaryzǵa alady. Qaryz merzimi 11 jyldy quraidy, onyń alǵashqy bes jyly jeńildik kezeńi retinde belgilengen.
Qarajat «Ekonomikanyń inkliýzivti jáne ornyqty ósýi» atty damý saiasatyn qarjylandyrý baǵdarlamasy aiasynda bólinedi.
Úkimettiń málimetinshe, atalǵan qarjy ekonomikany qoldaý men qurylymdyq reformalardy iske asyrýǵa baǵyttalmaq.
