Ulttyq ekonomika ministri Serik Jumanǵarin bastaǵan delegatsiia Dúniejúzilik bank pen Halyqaralyq valiýta qorynyń jyl saiynǵy sessiialary aiasynda Niý-Iork qor birjasyna (New York Stock Exchange, NYSE) bardy, dep habarlaidy Dalanews.kz.
Ministrliktiń málimetinshe, sapar barysynda Serik Jumanǵarin NYSE-tiń strategiialyq operatsiialar jáne korporativtik qatynastar departamentiniń basshysy Ýill Gýdvinmen kezdesti.
"Kezdesý kezinde NYSE ókilderi Qazaqstannyń memlekettik baǵaly qaǵazdaryn birjaǵa ornalastyrý múmkindigi men iri ulttyq kompaniialardyń IPO-ǵa shyǵý perspektivalary jónindegi suraqtarǵa egjei-tegjeili jaýap berdi", – delingen ministrliktiń habarlamasynda.
Sapar sońynda qazaqstandyq delegatsiia álemniń eń iri birjalarynyń biri sanalatyn saýda alańynyń jumysymen tanysty.
Aita keteiiń, Niý-Iork qor birjasy (NYSE) – álemdegi eń iri ári eń kóne qarjy alańdarynyń biri. Ol Niý-Iorktegi áigili Ýoll-strit kóshesinde ornalasqan jáne jahandyq qor naryǵynyń basty simvoly sanalady. Birja Intercontinental Exchange (ICE) holdinginiń quramyna kiredi jáne elektrondyq tehnologiia men dástúrli «jandy» saýda formattaryn úilestiretin zamanaýi saýda ekojúiesi bolyp tabylady.
