Amnesty International (AI) halyqaralyq quqyq qorǵaý uiymy Qazaqstan biligin "áleýmettik jelilerge buryn-sońdy bolmaǵan shabýylyn" toqtatýǵa shaqyrdy. Uiymnyń "Jazba jariialamastan buryn oilan: Qazaqstanda áleýmettik jelilerdegi pikirin erkin bildirý keńistigin joiý" dep atalatyn esepte Astananyń "Internet pen áleýmettik jelilerdegi ózgeshe oilaýdy túbirimen joiýdyń agressiialyq jáne shekten shyqqan tásilderin barynsha qoldanatyny" aitylǵan.
Quqyq qorǵaýshylar bilik Qazaqstandy "aqparattyq qoǵam" retinde kórsetýge talpynyp jatqanyna qaramastan "zań arqyly jáne is júzinde internettegi aqparatqa negizsiz shekteý engizgenin" aitady. Osynyń saldarynan qoldanýshylardyń kópshiligi ańdýdan saqtaný úshin nemese buǵattalǵan kontentke qol jetkizý úshin internettegi materialdardy virtýaldy jeke jeliler arqyly alady deidi.
AI esebinde atyraýlyq azamattyq belsendiler, ótken jyly "jer reformasyna qarsy" mitingilerden soń ustalyp, "alaýyzdyq týdyrdy" dep jáne basqa da aiyptar boiynsha bes jylǵa sottalǵan Maks Boqaev pen Talǵat Aiannyń isine toqtalǵan. AI Boqaev pen Aiandy ózderiniń oi-pikirin erkin bildirý jáne beibit jiyn ótkizý quqyqtaryn paidalanǵany úshin ǵana bas bostandyqtarynan aiyrylǵan ar-ujdan tutqyny dep sanaidy.
Amnesty International esebinde Qazaqstan biligin azamattardyń oi-pikirin erkin bildirý quqyǵyn qurmettep, bilikti synaityndardyń únin óshirýge jáne beibit demonstranttardy túrmege jabýǵa qoldanylatyn ákimshilik jáne qylmystyq kodeksterge ózgerister engizýge shaqyrady.
