قازاقستان بيلىگى الەۋمەتتىك جەلىلەردەگى ءسوز بوستاندىعىن شەكتەيدى

Dalanews 10 اقپ. 2017 08:57 489



Amnesty International (AI) حالىقارالىق قۇقىق قورعاۋ ۇيىمى قازاقستان بيلىگىن "الەۋمەتتىك جەلىلەرگە بۇرىن-سوڭدى بولماعان شابۋىلىن" توقتاتۋعا شاقىردى. ۇيىمنىڭ "جازبا جاريالاماستان بۇرىن ويلان: قازاقستاندا الەۋمەتتىك جەلىلەردەگى پىكىرىن ەركىن ءبىلدىرۋ كەڭىستىگىن جويۋ" دەپ اتالاتىن ەسەپتە استانانىڭ "ينتەرنەت پەن الەۋمەتتىك جەلىلەردەگى وزگەشە ويلاۋدى تۇبىرىمەن جويۋدىڭ اگرەسسيالىق جانە شەكتەن شىققان تاسىلدەرىن بارىنشا قولداناتىنى" ايتىلعان.





قۇقىق قورعاۋشىلار بيلىك قازاقستاندى "اقپاراتتىق قوعام" رەتىندە كورسەتۋگە تالپىنىپ جاتقانىنا قاراماستان "زاڭ ارقىلى جانە ءىس جۇزىندە ينتەرنەتتەگى اقپاراتقا نەگىزسىز شەكتەۋ ەنگىزگەنىن" ايتادى. وسىنىڭ سالدارىنان قولدانۋشىلاردىڭ كوپشىلىگى اڭدۋدان ساقتانۋ ءۇشىن نەمەسە بۇعاتتالعان كونتەنتكە قول جەتكىزۋ ءۇشىن ينتەرنەتتەگى ماتەريالداردى ۆيرتۋالدى جەكە جەلىلەر ارقىلى الادى دەيدى.

AI ەسەبىندە اتىراۋلىق ازاماتتىق بەلسەندىلەر، وتكەن جىلى "جەر رەفورماسىنا قارسى" ميتينگىلەردەن سوڭ ۇستالىپ، "الاۋىزدىق تۋدىردى" دەپ جانە باسقا دا ايىپتار بويىنشا بەس جىلعا سوتتالعان ماكس بوقايەۆ پەن تالعات اياننىڭ ىسىنە توقتالعان. AI بوقايەۆ پەن اياندى وزدەرىنىڭ وي-پىكىرىن ەركىن ءبىلدىرۋ جانە بەيبىت جيىن وتكىزۋ قۇقىقتارىن پايدالانعانى ءۇشىن عانا باس بوستاندىقتارىنان ايىرىلعان ار-ۇجدان تۇتقىنى دەپ سانايدى.

Amnesty International ەسەبىندە قازاقستان بيلىگىن ازاماتتاردىڭ وي-پىكىرىن ەركىن ءبىلدىرۋ قۇقىعىن قۇرمەتتەپ، بيلىكتى سىنايتىنداردىڭ ءۇنىن وشىرۋگە جانە بەيبىت دەمونسترانتتاردى تۇرمەگە جابۋعا قولدانىلاتىن اكىمشىلىك جانە قىلمىستىق كودەكستەرگە وزگەرىستەر ەنگىزۋگە شاقىرادى.



ۇسىنىلعان
سوڭعى جاڭالىقتار