Qazaqstanda bidai importyn ýaqytsha toqtatý usynyldy. Aýyl sharýashylyǵy ministriniń tiisti buiryǵy "Ashyq NQA" portalynda jariialandy, dep habarlaidy dalanews.kz.
Qujatqa sáikes bidaidy avtomobil, sý jáne temirjol kóligi arqyly el aýmaǵyna ákelýge alty ai merzimge tyiym salý kózdelgen. Shekteý Eýraziialyq ekonomikalyq odaqqa múshe memleketterge de, basqa elderge de qatysty bolmaq.
Sonymen qatar, birqatar erekshelik qarastyrylǵan. Temirjol arqyly qus fabrikalaryna, un tartý kásiporyndaryna, litsenziialanǵan elevatorlarǵa jáne "Azyq-túlik kelisimshart korporatsiiasy" ulttyq kompaniiasyna jetkiziletin bidaiǵa tyiym qoldanylmaidy.
Alaida qus sharýashylyǵy men un óndirý kásiporyndary úshin importtalǵan bidaidy ishki nemese syrtqy naryqta qaita satýǵa ruqsat etilmeidi.
Qujatty ázirleýshilerdiń málimetinshe, shekteý Qazaqstan aýmaǵy arqyly ótetin tranzittik tasymaldarǵa, sondai-aq, EAEO elderi arasyndaǵy júk tasymalyna áser etpeidi.
Aýyl sharýashylyǵy ministrligi bul shara otandyq óndirýshilerdi qoldaýǵa baǵyttalǵanyn atap ótti.
