Abai oblysy Aiagóz aýdanynyń ákimi bolyp qazaq kúresinen "Qazaqstan barysy" atanǵan Aibek Nuǵymarov taǵaiyndaldy, dep habarlaidy dalanews.kz.
Prezident ákimshiliginiń, Aiagóz aýdany Máslihat depýtattarynyń kelisimimen jáne oblys ákiminiń ókimimen Aiagóz aýdanynyń ákimi laýazymyna Aibek Nuǵymarov taǵaiyndalǵan.
"Aibek Serikbolulynyń tájiribesi jetkilikti. Osy ýaqyt ishinde óziniń iskerlik jáne uiymdastyrýshylyq qasietin tanyta bildi. Sondyqtan artylǵan senimdi aqtap, Aiagóz aýdanynyń jurtshylyǵymen birlese otyryp, aýdannyń odan ári damyp, gúldenýine bar kúsh-jigerin salyp, aianbai qyzmet etedi dep senemin", – dedi Abai oblysynyń ákimi Berik Ýáli.
Ol Abai oblysy Abai aýdany Qundyzdy aýylynda dúniege kelgen. Semei memlekettik pedagogikalyq institýtyn dene shynyqtyrý, Qazaq innovatsiialyq gýmanitarlyq zań ýniversitetin zańger mamandyqtary boiynsha támamdaǵan. Eńbek jolyn Semei qalasyndaǵy qazaq kúresi bóliminde oqytýshy-jattyqtyrýshy bolyp bastady. Shyǵys Qazaqstan oblysynyń joǵary sport sheberligi mektepterinde nusqaýshy-ádisker, qazaq kúresinen jattyqtyrýshy-oqytýshy bolyp eńbek etti.
Alty jyldan asa ýaqyt Semei qalasyndaǵy Kólik kolledjiniń direktory boldy. Osy laýazymǵa taǵaiyndalǵanǵa deiin Aiagóz aýdany ákiminiń orynbasary, aýdan ákiminiń mindetin atqarýshy qyzmetin atqardy.
Sport salasynda da birqatar jetistikke jetken. 2013 jyly "Qazaqstan barysy" atandy.
