Qazaqstan munai eksportyn ulǵaitý jáne baǵyttaryn ártaraptandyrý maqsatynda Baký – Sýpsa munai qubyryn paidalaný múmkindigin qarastyrýǵa daiyn. Bul týraly Energetika ministri Erlan Aqkenjenov aitty, dep habarlaidy dalanews.kz.
Ministrdiń sózinshe, ázirge bul másele boiynsha Ázerbaijan tarapymen resmi kelissózder júrgizilgen joq. Sondyqtan qubyr arqyly munai tasymaldaý tarifi de belgisiz.
"Eger mundai múmkindik paida bolsa, Qazaqstan munai eksporttaýdyń kez kelgen qosymsha baǵytyn qarastyrýǵa daiyn", – dedi ministr.
Sonymen qatar ol qazirgi ýaqytta Qazaqstan úshin munaidy shetel naryqtaryna jetkizýde Kaspii qubyr konsortsiýmy (KQK) negizgi baǵyt bolyp qala beretinin atap ótti. Onyń aitýynsha, ázirge bul marshrýtty tolyq almastyratyn naqty balama joq.
Degenmen, Qazaqstan munai eksportyn bir ǵana baǵytqa táýeldi etpeý úshin jańa tasymal joldaryn izdeýdi jalǵastyryp jatyr.
