Qazaqstan quramasy Bangkok qalasynda ótken sý sporty túrlerinen jas erekshelikteri boiynsha XII Aziia chempionatynda Japoniia men Qytai quramalaryna jol berip, jalpykomandalyq medaldyq esepte 3-oryn aldy.
Ulttyq quramanyń qorjynynda 49 medal: 21 altyn, 19 kúmis jáne 9 qola bar. Qazaqstandyq sportshylar chempionattyń barlyq tórt túri – júzý, sýǵa sekirý, ártistik júzý jáne sý polosy boiynsha júldeli oryndarǵa ie boldy.
Ártistik júzýden ulttyq quramanyń jeńisi erekshe oqiǵa boldy. Qazaqstandyq sportshylar jas erekshelikteri boiynsha ótken XII Aziia chempionatynyń trofeiin jeńip alyp, osy distsiplinada qurlyqtyń úzdik komandasy atandy.
«Qazaq Aquatics» RQB Qazaqstanda sý sporty túrlerin damytýǵa qosqan úlesi úshin bas seriktes – «Samuryq-Qazyna» aktsionerlik qoǵamyna, sondai-aq seriktester – «SportQory» sportty qoldaý qory, «Qaztsink» JShS, Qazaqstan Respýblikasynyń Ulttyq olimpiadalyq komiteti, «Altyntau Kokshetau» jáne «Ksell» AQ (Activ5G) kompaniialaryna alǵys bildiredi.
Barlyq suraqtar boiynsha «Qazaq Aquatics» RQB baspasóz qyzmetine habarlasýdy suraimyz.
