Qazaqstanda aldaǵy úsh jylda eldegi astyqty tereń óńdeý qýaty jylyna 500 myń tonnadan 2,5 mıllıon tonnaǵa deıin ulǵaıady. Mundaı serpilis ishki naryqty qamtamasyz etip qana qoımaı, álemdik agrarlyq arenadaǵy oryndy kúsheıtýge múmkindik beredi, dep habarlaıdy Dalanews.kz.
Búginde Qazaqstanda krahmal, sirne, sırop, glúten, bıoetanol jáne mal azyǵyn óndiretin úsh iri kásiporyn jumys isteıdi: Jarkent krahmal-sirne zaýyty (jylyna 150 myń tonna júgeri), «AzıaAgroFýd» (60 myń tonna júgeri) jáne «Bıoopereıshn» (300 myń tonna bıdaı).
2028 jylǵa deıin salada tórt iri jobany iske qosý josparlanyp otyr. Olardyń qatarynda:
- Túrkistan oblysyndaǵy júgerini óńdeıtin «Kazkrahmal» JSHS zaýyty (ınvestısıa kólemi – 57 mln dollar, qýaty – 100 myń tonna, iske qosylýy – 2026 jyl).
- Tiryaki Agro (Túrkıa) jáne Hassad Food (Katar) jobasy – jylyna 250 myń tonna astyq pen 80 myń tonna burshaq óńdeý, krahmal, glúten jáne glúkoza-frýktoza sıropyn eksporttaý.
- Fufeng Group Company Limited (Qytaı) – Jambyl oblysyndaǵy qýaty 1 mln tonna bolatyn zaýyt, quny 350 mln dollar.
- «Qostanai Grain Industry» JSHS – Qostanaı oblysyndaǵy qaıta óńdeý kesheni (qýaty – 415 myń tonna, quny – 108,7 mln dollar, iske qosylýy – 2027 jyl, ónimderi – lızın, glúten, bıoetanol, kómirqyshqyl gazy).
Óńdeýshilerdi qoldaý úshin 2025 jyly «Agrobıznes» baǵdarlamasy aıasynda 44,3 mlrd teńge 5% mólsherlememen bólindi. Qazirdiń ózinde 14,5 mlrd teńgege 30 joba qarjylandyryldy, taǵy 12,3 mlrd teńgege 34 joba maquldandy, al 17 joba qaralý ústinde.
Qazaqstan óz ónimin shetelge belsendi túrde ilgeriletip jatyr. Saýda mınıstrligimen birlesip eksporttaýshylardy qoldaýdyń ekojúıesi jasaldy. Ol 20-dan astam qarjylyq jáne qarjylyq emes quraldardy qamtıdy, sonyń ishinde SHOB úshin eksporttyq akselerasıa baǵdarlamasy men tasymaldaý shyǵyndaryn sýbsıdıalaý bar.
Sarapshylardyń pikirinshe, óńdeý qýattarynyń ulǵaıýy Qazaqstanǵa astyqty shıkizat kúıinde satpaı, álemniń azyq-túlik, farmasevtıka jáne mal azyǵy ónerkásibinde suranysqa ıe daıyn qospalar men ıngredıentterdi eksporttaýǵa jol ashady.
